上星期天文台已經預告今日氣溫急降，我不怕冷，但最怕阿媽「哦」我愛靚唔愛命，寧願捱冷都唔肯着厚衫，病死都無人可憐云云。早排急急腳去了UNIQLO，事關極具話題性的HEATTECH發熱保暖系列終於上架，第一時間買佢返歸。這件HEATTECH在日本非常紅火，有一年賣出2,800萬件的戰績，在落大雪的外國UNIQLO，一推出已經排長龍搶晒。它的好處係夠晒薄，但已經勁保暖，最啱我這種貪靚之人。最正係它並非傳統的內衣款，完全可以露出來襯底，多色多款，V領、U領、樽領、圓領、長中短袖共22種顏色，點襯都得。昋港賣得平，男裝$79，女裝$99，抵着！親身試過，的確夠暖（Daytime仲覺得發㷫！），外加一件Knit或者薄褸就夠，再凍啲搭條靚靚Scarf搞掂，以後冬天唔使再做一隻裹蒸糉了。
記者：葉雪芯
日本雜誌勁煲UNIQLOHEATTECH，仲畫咗套漫畫歌頌它。不過日本方面推出的有22色，據知香港只是返貨18色。