統籌Lowcock榮休籌款晚宴嘅張宇人話，為咗盡量籌錢，真係乜方法都用盡，以Lowcock之名，更令歌星林子祥獻出在夜總會登台嘅第一次。
張宇人同八方講，當年佢打理嘅海洋皇宮酒樓夜總會經常請歌星登台，有次佢同顧家煇去TVB，偶然見到林子祥唱歌，覺得阿Lam歌藝不俗，想請他登台，不過林子祥話太接近觀眾會緊張，影響表演，所以婉拒。
當時林子祥未大紅大紫，張宇人都冇堅持，後來在籌款晚宴上，有人提出，「請GeorgeLam唱歌籌錢啦！」他反問：「邊個GeorgeLam？」後來搞清楚原來林子祥也是DBS舊生，他還說：「佢唔肯o架！」但為了Lowcock，阿Lam最後頂硬上，有人捐五萬蚊佢就唱一首歌，處男在夜總會登台。
張宇人記得58年嗰屆舊生捐五萬蚊，田北俊都捐五萬，條件係要張宇人跳探戈，「我邊識跳？惟有捐多五萬請另一個同學夫婦陪佢一齊跳。」