「千億新抱」徐子淇和囡囡集萬千寵愛在一身，子淇早前去了安徽探訪愛滋遺孤，體驗貧窮，經歷冇廁所水、冇凉冲的日子，感受深刻。談到小女孩被歧視、遺棄時，子淇更心痛落淚，悔恨不懂即時安慰，自覺見識少。
徐子淇上月跟智行基金會到安徽探訪愛滋遺孤，她昨日在尖沙嘴分享感受。一身Gucci短裙的徐子淇重溫探訪片段時已看到眼紅紅，上台談感受：「今次去探咗兩個小朋友崑崙同妹妹，妹妹同媽咪因為有愛滋，俾爹哋遺棄，好心痛囉，妹妹仲俾爹哋歧視。」
心痛兒童無夢
講到此處，兩女之母的徐子淇忍不住落淚，不停用紙巾拭淚。她續說：「嗰刻我都好想喊，但忍住，唔想俾佢哋覺得自己好慘，之後回想番，嗰時冇做一啲安慰佢嘅行為，返到屋企都怪自己，呢個係最深刻，好sad。」她又指曾問當地幾個小朋友願望時，對方居然答不出，兒童無夢想令她可惜又心噏。
徐子淇之後接受訪問，指兩日之行體會深刻，自覺有心無力。她說：「覺得自己見識好少，真係感受好深。」徐子淇直認甚少機會去貧窮地方，她說：「我帶咗少少嘢食去，最辛苦係去洗水間，因為冇得冲廁，只有一個窿，冲凉都要用井水，我都冇冲，我嘅辛苦唔及佢哋辛苦。」她謂老公李家誠也想去，但怕上鏡及人數太多無法成行。
撐老爺發發哋
老爺四叔李兆基的天滙，樓層大幅跳，46樓變成88樓，徐子淇對此力撐李家說：「喺外國好多都係咁，香港都會避開4字，冇一個規例（樓層）一定要順住上，係合法嘅，最緊要啲人鍾意，覺得住得好高，係包裝嚟啫，我覺得唔係好大件事，炒到咁大係因為太高價。」
四叔透露兒子李家誠也嫌貴，徐子淇直認說：「原本都想住penthouse，咁貴冇辦法啦，畀其他人住囉，呢個盤有其他partner，唔係話畀就畀。」地產界因四叔「發大樓層」愛88樓，幽默改稱他為8叔，徐子淇誤以為「發叔」，即說：「佢不嬲都發發哋。」
採訪：羅慧敏 攝影：陳志嵐
