大笨象滙控（005）發威，噚日大升5.9%，報收94元，帶動恒指上升359點收市，創今年新高。
滙控管理層話第3季業績比預期好得多，市場遲啲好大機會炒派「末期高息」，年底前股價升上110元應冇問題。
滙控帶動下，本地銀行股會做好，近排強勢嘅汽車股同煤股可繼續留意。
中煤C輪17280：中煤（1898）昨收13.22元，升1.22%，股價昨日跌過落12.70元，其後反彈上高位收市，股價走勢甚強，下一站睇15元，可以諗吓隻C輪17280。
隻輪現價22.4仙，2010年3月30日到期，行使價12元，溢價7.7%，引伸波幅49.6%，有效槓桿4倍，正股升上15元，17280睇35.8仙，正股跌穿12.50元，就沽咗隻輪止蝕。
俊樺