佘詩曼與鄧萃雯兩位無綫視后大熱人物，昨日分別出動宣傳。阿佘這位無綫親生女，出席美容活動幫公司賺錢，她因《宮心計》收視報捷，對得獎越來越有信心；雯女為台慶演出勤力練習打鼓，她強調絕不會做出換獎行為。
佘詩曼昨日到灣仔會展出席化妝用品展宣傳，大會安排性感模特兒伴阿佘示範。對於新劇《宮心計》的收視報捷取得好成績，阿佘自言對奪得視后的信心日增，她說：「機會係增加咗，支持嘅觀眾多咗，票數都多咗。」
阿佘又表示由於收視令無綫滿意，公司今晚宴請一眾演員食飯。而《富貴門》的一眾外援藝員，如呂良偉及袁詠儀等似乎風頭不及其他無綫親生演員，阿佘說：「唔可以咁講，係劇種問題，永遠係各花入各眼。」
當同嘉穎做騷
阿佘與有傳已分手的鄭嘉穎，於前晚「2010無綫節目巡禮」一起壓軸出場，阿佘指這是公司的安排，為配合《宮》劇宣傳，她只是按照安排企位，兩人被指有欠交流，阿佘解釋：「點交流？都係開心咁笑，成晚做騷，有乜嘢傾都唔喺台上傾。」談到兩人是否私下已沒有聯絡，阿佘急回應：「我哋都係朋友嚟。」
另一視后頂頭大熱鄧萃雯昨日於柴灣綵排無綫台慶騷環節「鼓舞飛揚」，更與其餘十位男藝員齊齊打鼓，雯女自言是次挑戰性十分高，她表示已第三次練習，而首次練習後更手震，問到打完鼓是否可換獎時，她說：「你就想！我有體育精神咁多年，唔好話換，即使今年仲唔係我，我都唔會換，邊有得換o架。」雯女又表示近日被很多狗仔隊跟蹤，除言行檢點之外，連車廂內都整理得井井有條。
雯女享受單身
對於有消息指由於雯女奪獎呼聲太高，其他對手為免得罪觀眾故放棄爭獎，雯女說：「吓？我一向冇爭過！呢啲邊有得爭，有人會去計o架，大家唔好講到我咁得人驚先得。」
此外，向來感情生活十分低調的雯女自言十分享受單身，更不會感到孤獨：「單身可以好精采，我會將自己嘅開心同屋企人及身邊朋友分享。以前拍拖成日亂衝亂撞，家貴精不貴多，要搵對象拍拖唔難，不過我想將時間放喺值得同珍惜嘅人身上，我家仲會學識放低自我。」
採訪：張俊銘、王崇穎
攝影：仇志德、陳慧安
