方大同前晚剛由北京回港，就趕到跑馬地出席英國品牌Kent&Curwen的男裝騷，不過並非行catwalk，只是唱jazz表演。他自認身材欠佳說：「（行騷）唔係咁好，身材問題。」郭富城身材不高，一樣曾行騷，他說：「佢有練開啲肌肉，唔同嘅。」
與Fiona互通消息
方大同緋聞女友薛凱琪（Fiona）父親被爆欠債，問他有否了解事件？方大同說：「我啱啱返，冇時間問佢，佢又喺大陸拍緊戲。嗰啲地方偏遠，唔係個個搵到佢。」不過，轉頭方大同又漏口透露Fiona拍戲時要吊威吔，非常辛苦，明顯時常和她互通消息。
同場吳嘉龍一樣冇行騷，他竟說自己年紀太大，不適合行騷，未來想主力在電影，更想效法爸爸吳耀漢走笑匠路線。
採訪：顏英儀 攝影：陳俊強