賭王何鴻燊入院三個幾月，前晚二姨太藍瓊纓通宵陪住賭王，噚日下晝1點幾先走，之後又返轉頭，同啲女何超瓊、超鳳、超蕸等探賭王，二姨太仲對記者講話一路都計劃緊幫賭王出院。二姨太傍晚6點幾走時，仲同養和心臟科名醫謝德富喺大堂密密斟咗5分鐘，謝德富臨走仲拍拍二姨太膊頭安慰，相信叫佢唔好太擔心。