結他夾Band聽得多，用iPhone夾歌，聽落過癮，但能否成事？近日網上熱播一段「iPhoneBand友唔知醜賴死港鐵周圍唱」短片，點擊率超過21萬人次，主角是樂隊RedNoon。RedNoon這名字近日曝光率大增，連TVB台慶也有份表演，原來這四個後生仔組成樂隊近十年，曾簽約多次，惜仍未成功推出過一隻唱片，第一次在2003年剛剛遇上SARS，第二次唱片公司又改組……總之一拖多年。最近他們又滿約了，唱片仍未有聲氣，但四人絕不放棄，多個月前，就在網上實行大計──周圍唱！由自己Band房所在的工廠大廈貨開始，通街唱，不理貨乘客反應如何，被人眼超超睥住都繼續唱，兼在YouTube上載周圍唱短片，非常搞笑。
iPhone友夾Band嘈爆觀塘。
用iPhone夾Band，有人質疑：「係咪真夾o架？係唔係播音樂根本無夾過o架？」我也有這疑問，所以直接找他們即場示範，DrumSolo？無問題！結他Solo？都無問題，拉他們到觀塘，唱了一首《打》，這歌是講練功夫的，多年功夫無花無假。因何事用iPhone夾Band？「有一次在Band房等人，無無聊聊攞部電話出來試吓，點知又真係得喎。」香港人不知是否被Sales電話煩擾得多還是怕醜，示範當晚途人邊嗌邊走，放鬆啲啦香港人！
記者：何兆彬
攝影：陳陶鈞
