陶喆識音樂之餘又識飲識食，與他一啜成名的22歲美少女廚神岑潔儀（Zoey）外形火辣辣，谷起33B咪咪更見噴血，難怪陶喆對她勁嗒糖。性感Zoey直認欣賞陶喆成熟有才華，大家確有feel，且互稱Baby，sweet到出晒面，點止好朋友咁簡單呀？
早前本報獨家拍得40歲的陶喆在港暗媾美少女廚神岑潔儀，擁33B、24、33惹火身段的Zoey日前接受專訪時更大晒天賦本錢，一身性感打扮騷味十足。
當日陶喆在酒店中激吻Zoey，事後Zoey指他只是鬼仔的熱情表現，雖然她否認戀情，但對陶喆卻讚不絕口：「我哋係朋友約食飯時識，第一次見佢好star、好gentlement、好charming，佢好多嘢講，講好多道理，我鍾意聽道理嘅，可能我好專心聽佢講嘢，所以做咗好朋友。」
「大家幾有感覺」
Zoey形容陶喆鬼仔，那他對Zoey是否見一次啜一次？她笑說：「佢比較主動，我哋係好朋友。我會嗌佢做Baby，佢都嗌我做Baby。當然大家係幾有感覺先做到好朋友。」40歲的陶喆被稱為Baby，Zoey笑言唔骨痹：「佢年齡同真實性格唔同，佢比較細路仔，年齡對我嚟講從來都唔係一個問題。」Zoey喜歡音樂，故對陶喆又加分。講到發展機會，她保留地說：「將來嘅嘢冇人知。」
傳緋聞後兩人仍有聯絡，Zoey為避嫌暫不會與陶喆見面，卻漏口風知他行蹤，她說：「呢排佢好忙，開演唱會。佢喺內地，都唔得閒嚟香港啦。」陶喆緋聞成籮，Zoey則稱是他熱情惹人誤會，但她坦言難忍花弗男友，因她曾被舊愛劈腿情傷，此君也是圈中人。
屢戀上圈中人
Zoey說：「嗰次佢突然間失蹤幾日，我喺佢屋企等咗幾日，最尾佢細佬忍唔住同我講，佢阿哥去咗個女仔屋企度瞓。我未試過咁hurt，崩潰咗，接受唔到自己嘅男朋友劈腿，你瞞住我OK囉，你唔好畀我知。」她稱拍過5、6次拖，除了劈腿男友是圈中人外，她對上的男友也是歌手，兩人相戀5年，幾個月前分手，她說：「佢做音樂嘅，因為工作好忙，見面越嚟越少，咁不如分開啦。緣份整定嘅，可能有一日同番佢一齊呢。」但她拒絕透露前男友身份。
採訪：朱倬誼
攝影：林德雄
化妝：HidyofDreamworldProduction
髮型：JackyAuofjusthair
場地：CraftsteakofSoho
部份服裝提供：PrettyBecky/mi-tu