陳小韻和「翻版王敏德」男友Kin上月底在峇里結婚，直言「唔錫我都唔嫁」的陳小韻，在百多位親友見證下笑住出嫁，在沙灘行禮、熱帶情調的酒店放煙花擺喜酒。陳小韻父親陳曜旻席間的催淚致辭，令新娘子感動不已，狂流快樂眼淚。
現年33歲的陳小韻，上月25日跟拍拖兩年任職投資銀行的男友Kin，在峇里低調舉行婚禮，邀請了百多位好友到峇里出席，雙方家長也有到場見證，兩人下月中將在港補擺喜酒。
挽手入教堂
一向鍾情陽光海灘的陳小韻，選擇在峇里結婚，當日中午一對新人先在小教堂舉行西式婚禮，陳小韻穿上鄭兆良設計的白色單肩婚紗，按傳統挽住父親白頭陳陳曜旻手臂步入教堂，新娘一面行一面激動到眼泛淚光，之後交換戒指及宣誓。
晚上在酒店舉行西式喜宴及派對，又放煙花慶祝，陳曜旻上台致辭，細數女兒小時候的趣事及生活點滴，又指陳小韻是他永遠的littlegirl，台下的陳小韻聽得哭成淚人。她全晚換了桃紅晚裝、閃石短旗袍等五套禮服均由鄭兆良設計。
陳小韻上周已火速復工，她昨日在電話中謂忙於清理婚禮期間堆積的工作，她說：「婚禮好滿足，成個場都係我唔同階段嘅好朋友、我嘅屋企人，咁靚嘅地方，好多嘢，放煙花又好近，樣樣都好感動。」提到她父親致辭的催淚位，她即說：「係呀，之前入chapel都忍得到，嗰刻真係忍唔住，唔止我，台下個個都想喊。」她指與丈夫之後在附近的小島度蜜月，下年再去一次真正honeymoon。
彤叔娶孫媳
此外，今年喜事陸續來，新世界主席鄭裕彤孫兒、鄭家純長子鄭志剛，將於大後日（14日）和女友余雅穎在灣仔會展擺喜酒；而有線前主播朱真真（Judy）上月27日入紙排期結婚，嫁予同樣29歲、任職銀行的男友鄒子傑。採訪：DebbieLum