甄子丹主演嘅電影《葉問》叫好叫座，搞到其他公司都開拍前傳同拍電視劇版，台灣製作人楊佩佩決定開拍電視版，男主角希望係鄭伊健（圖）、黃曉明、吳京、趙文卓同陳小春其中一個，預計投資約3,000萬人民幣，故事由葉問父母嘅戀愛史開始，拍到葉問嘅愛情史、點樣成為一代宗師同點解收李小龍為徒。楊佩佩相信可以拍得好有趣味。