花旗股市前晚發威，道指大升203點收市，出現技術突破，成交有番咁上下，應該未升完。
港股食住花旗個勢，噚日大裂口高開，不過就冇再大幅推上，恒指掉頭回落，下午一度倒跌，好彩收市保住60點升幅。恒指雖然高開低收，但係短線向上嘅勢頭冇變。
吉利C輪19043：吉利汽車（175）昨收3.13元，升7.5%，其他汽車股都有好表現。吉利炒上睇4元樓上，可以諗吓隻C輪19043，揸耐少少，會有唔錯嘅回報。
隻輪現價82仙，2010年7月29日到期，行使價3.80元，溢價47.6%，引伸波幅98.2%，有效槓桿2.2倍，正股升上4元，19043有機見1.37元，如果正股跌穿2.80元，就沽咗隻輪止蝕。
俊樺