中港絕大部份股評人都「單拖上陣」，但華富國際（952）旗下華富嘉洛證券就以奇招出擊，3位廿多歲嘅股票策略師陳倩姮（Sinnie）、甄靜敏（Doris）同羅慧妍（Betty），組成「煎釀三寶」，一齊評述股油金滙。
佢哋除咗要寫分析報告，又要幫客落盤，仲不時喺blog留言post相，返內地搞投資講座，同A股股民加強聯繫。雖然咁忙，但三小花仍然周不時就去shopping，仲會捐窿捐隙搵好嘢食，「三寶」因而得名。
講到「三寶」嘅分工，Sinnie話彼此都對整體市況有通識，但各自有專長，佢留意港股中長線策略，Doris同Betty就分別專責石油同黃金投資。