周秀娜（Chrissie）近日除了不停接job搵錢外，近日更成為電影女主角，並聯同兩位師妹對付長腳蟹呂慧儀。Chrissie透露會在新戲中親自上演多場動作戲，還有性感演出，但片酬卻不足5萬元一組戲，可謂超值。
周秀娜昨日率領兩師妹A.Lin（裴殷）及DaDa（盧頌之）出席在屯門舉行的新片《惡胎》開鏡禮，硬撼長腳蟹呂慧儀，三女衣着頗為密實，反而呂慧儀盡騷其本錢，不過導演羅守耀似乎較鍾情於Chrissie，安排她在戲中穿性感內衣、跟黎諾懿床上戲、爬窗跳樓等場面，香艷、動作、視覺兼而有之。但相信最討羅守耀歡心應該是Chrissie沒有獅子開大口，片酬不足5萬元一組戲，已經要賣肉兼跳樓。
Chrissie首次擔正做女主角，她謂沒有5萬元一組戲的酬金，但片酬算合理。戲中飾演呂慧儀和黎諾懿夫婦間的第三者，一個想做醫生太太、貪慕虛榮的女人，不過她表示最性感的演出只是露膝頭，與導演的說法有出入。
聲稱只露膝
Chrissie說：「前日拍一場爬窗跳樓戲，搞到個膝頭損晒，所以今日要着襪褲遮住，喺戲入面我最多都係露到膝頭，唔使好性感。」但羅守耀卻說：「我唔會向外公佈演員片酬幾多，不過一定冇5萬一組咁高，佢有12、3組戲，一定有安排騷身材嘅戲畀佢啦，有性感內衣戲，當然係索o架啦，仲有多少性愛場口，但會點到即止。」對於周秀娜指沒有性感演出，他說：「佢哋未知啫。」此外，DaDa飾演的舞小姐為求工作順利，會找神棍風水師林雪幫忙。
採訪：魯萍
攝影：陳俊強
