呢兩年轉咗做車版，對車認識多咗，仲因為咁，發覺喺睇劇時原來可增加不少玩味及幻想。好似早排套《珠光寶氣》咁，超級有錢佬岳華架凌志就經常出鏡，不過大多曇花一現，連係咩型號都睇唔到。到近排《富貴門》，Lexus「戲份」多好多，呂良偉仲帶好細佬羅嘉良到LexusShowroom揀車，佢自己就猛讚架最豪華嘅LS600h，細佬就對GS（Aristo）情有獨鍾。當時睇唔清係GS乜嘢型號，但見車頭Logo無藍框，一定唔係最新嗰架混能版GS450h。大佬揀混能LS600h，豪華得嚟又環保，有身份之餘又有社會責任，力求上位嘅細佬就要性能掛帥嘅GS，正正凸顯二人性格同生活取向。
記者：徐影龍