有份角逐今年視帝的馬浚偉，昨日出席跑馬地活動，問到對於競逐視帝，馬仔大讚黎耀祥飾演的柴九無人可以匹敵，他笑說：「如果無綫頒個獎畀我，我即刻解約，如果唔係祥仔攞，我都會杯葛，唔係祥仔攞，邊個攞都會死。」至於視后，馬仔直言看好鄧萃雯，但他不忘大讚好友楊怡在《宮心計》中扮演奸角大有進步。
嘉良騷訂婚戒
另外，同樣角逐視帝的羅嘉良昨晚和王秀琳（Mango）到尖沙嘴出席晚宴，嘉良左手中指戴上訂婚戒，提到下月12號在北京設婚宴，他表示會請部份《富貴門》演員出席，馬國明擔任伴郎，但嘉良囝囝因要返學，故未知能否出席。北京婚宴後，羅嘉良會陪老婆返濟南宴請女方家人。
採訪：卓寶花
攝影：仇志德