衞蘭（Janice）當年曾和前女助手傳出斷背緋聞、女助手更被指帶壞她而遭老闆黎明炒魷，但日前Janice瞞着黎明和女助手在銅鑼灣行街，可惜被本報撞破急速同車離去，昨日Janice現身時解釋與她是朋友，稱「做朋友冇罪」，更強調公司未有限制她結交甚麼朋友，就連拍拖公司也批准及支持。
古巨基、衞蘭（Janice）與鍾舒漫昨日出席在港台舉行的「騷動音樂會」，除各自演唱外，還會合唱一番，Janice早前被本報拍得與傳過緋聞的前TB女助手阿端在銅鑼灣逛街。
公司支持拍拖
問Janice有否被公司責怪？Janice坦言：「大家係朋友，我以前都講過，家答案都會一樣，大家做朋友冇罪，公司冇管制我識朋友嘅嘢，公司都唔會話要幫我揀朋友，揀完先畀我認識，就算我要拍拖，公司都話冇問題，只要我自己分配到時間就OK。」Janice再三強調與阿端是朋友，請大家不要再誤會。
最近Janice與同公司的文詠珊（JaniceMan）一齊拍戲，但卻不時傳出二人不和，向Janice求證時，她顯得有點無奈說：「我都唔知點解，講真，我第一次識佢，印象好好，年紀好細，但係好成熟同好叻女，拍戲時仲成日主動幫我，我好鍾意佢，我哋完全冇問題。」
此外，基仔對能與兩位唱得的靚女合唱，表示非常好玩，他說：「之前都比較少機會同佢哋合作，今次仲可以合唱，感覺唔錯，呢個音樂會其中一個主題，就係要揀兩首對自己好有意義嘅歌唱，我揀咗張國榮嘅《為你鍾情》同譚詠麟嘅《愛的根源》，佢哋兩個嘅歌確實影響我唔少。」
採訪、攝影：胡比