豬頭骨點會有人鍾意啃？因此東亞運公司今年6月喺乜嘢賽事同安排都未定就走去問旅發局要唔要飛，有搵笨之嫌，難怪精於做生意嘅田少sayno。點知到咗落賽事同運動員出場名單時，東亞運公司竟無預旅發局，難怪田少要發炮。
田少噚日出席《城市論壇》時仍然勞氣，大爆舊年香港舉辦奧運馬術時已經冇預旅發局嗰份，言下之意唔係第一次畀政府「擺歪」，覺得今次已經無得補救，事關有劉翔同郭晶晶等賽事嘅門券已經賣清光，旅發局點可能幫手推廣？雖然東亞運未開始已經有是非，但民政事務局局長曾德成仍然認為呢個盛事對香港好處一籮籮，睇到東亞運一定掂。