下月5日在劉德華和容祖兒等人助興下揭開序幕的東亞運動會，是體育界一大盛事，無綫過往製作奧運或球賽都喜用藝人或港姐做嘉賓主持，以營造星光熠熠效果，但過去楊思琦、葉翠翠和張嘉兒等都被轟不夠專業，惡評如潮，今次東亞運首次在港舉行，無綫為免招來失禮之名，直播節目的主持全是體育主持班底。
無綫體育主持韓毓霞和鍾志光經驗豐富，對於東亞運節目以全體育主持做班底，韓毓霞昨日在電話中說：「唔同主持人可以扮演唔同角色，當然集中晒體育主持，我哋工作量會多咗，但都應付得到，不過主要睇節目時數。」
韓毓霞鍾志光孭飛
韓毓霞續說：「有時小朋友同其他唔熟運動資料嘅觀眾睇，無疑有藝人做主持可以增加親切感，始終有唔同要求嘅觀眾。」
與韓毓霞一起孭飛的鍾志光則說：「香港今次係主辦機構，好多項目都有機會奪獎，公司可能想節目氣氛嚴肅啲。」他表示體育組同事已開始分工合作做準備，身為幕前主持的他則會刨熟資料，他說：「不過最重要係我哋要克制情緒，唔好畀觀眾感覺唔公平，以為我哋只幫香港代表。」
採訪：比華利