關心妍（Jade）上月底與楊長智在峇里註冊結婚，昨日楊太婚後復工，現身宗教見證會擔任表演嘉賓，楊長智低調撐老婆場，雖然娶了公眾人物為妻子，但楊長智對鏡頭仍頗為抗拒。Jade事後表示丈夫不知有傳媒到場，惟有騷後番老公。
天生殘障的力克胡哲（NickVujicic）昨日在亞洲國際博覽館舉行兩場見證會，對宗教熱誠的廖啟智與家人齊齊到場見證，新婚不久的關心妍更縮短蜜月旅行，提前返港擔任見證會表演嘉賓。
Jade表示上次Nick抵港時離遠見到他經已感動，當擁抱他時更忍不住哭出來，感受到神與Nick同在。Jade丈夫楊長智坐在觀眾席第二排，當見到傳媒上前拍照，他即顯得不自然低頭及避鏡頭。
「佢仲未習慣」
得知丈夫迴避鏡頭，Jade即自責沒有跟他說有傳媒到場採訪，她說：「佢仲未習慣，男仔仲難適應傳媒，女仔會易啲，平時佢都係收埋自己，等我一陣番佢。」第二次參與Nick的見證會，Jade透露是縮短蜜月返港支持。
將於本月14日舉行結婚酒會的Jade表示，與丈夫各自發短訊邀請好友出席，預計約200多人，問到有否邀請舊老闆出席？她說：「有邀請，等佢哋睇吓時間夾唔夾到。」
自爆婚禮醉暈
記者笑指當晚豈不是不醉無歸？Jade說：「唔醉啦，喺峇里結婚嗰晚佢哋將我杯香檳換做啤酒，幾杯我就暈咗，仲要我哋係最早走嘅人，凌晨12點前返上房。」Jade自言返港後仍食了一星期胃藥，暫時連聞到紅酒白酒都想嘔，所以酒會當晚會以水代酒。
採訪：馬建華
攝影：陳順禎