呢輪發生多宗鏹水彈傷人案件，先有旺角行人專用區，後有深水埗鴨寮街，咁都未止，案發地區仲由九龍蔓延至港島，西灣河地鐵站附近一條後巷，前排都發生咗一宗。呢啲新聞，睇到小妹都心驚膽跳，行街無端端中彈受傷就唔抵。所謂禍從天降，嗯，究竟有乜嘢保險可以保障自己呢？
部份醫療保實報實銷
MSIG市務部總監陳倩雯話，如果受保人因意外事件受傷，市面上嘅「醫療保險」或「個人意外保險」都提供不同程度保障，但兩者保障重點都有唔同。
受保人因傷病入院，醫療保險以實報實銷嘅形式保障受保人相關嘅醫療費用。若受保人不幸中鏹水彈入院，以MSIG的「至尊萬健寶」醫療保障計劃為例，除可獲賠償不多於每日賠償上限嘅住院房租費外，大部份嘅保障項目如雜費、接受深切治療，甚至出院後有關嘅覆診費用等，只要索賠金額唔超出保單住院保障的總保障額，都可獲全額賠償。
不過，陳倩雯話，受保人不幸在意外中導致傷殘或身故，實報實銷嘅醫療保險就照顧唔到受保人及其家人長遠在生活上嘅需要。但市面上嘅個人意外保險就可以對受保人因嚴重意外身故或永久傷殘，作出一筆過嘅賠償。以MSIG的「平安寶3.0」為例，若受保人在意外中身故，保險公司會作出高達100萬港元的一筆過賠償（最高賠償額視乎選購的保障計劃而定）。
電郵：mailto:[email protected]