過埋呢兩日，歐洲聯賽為遷就國際賽期，差唔多進入小休期，波友有覺好瞓咯。波冇得睇但幾乎日日都有得賭，毋須喺呢兩天要搏老命追數；但小休前，有部份未達標嘅球隊，領隊們都急欲振作，食番個「尾糊」穩住軍心。今天重心，博你唔信，捧上仗剛俾老樸大炒嘅韋根反底，贏疲憊不已嘅富咸，開「讓球」上盤。
唔知大家同唔同意，今屆英超最海鮮波，相信非韋根莫屬。唔好成日陰謀論，以為球隊反覆一定係有景轟，韋根今季由布魯士換上原英冠史雲斯領隊馬天尼斯；這位西班牙領隊，混合新舊班底，加上陣中嘅聯合國兵團，喺近月國際賽期走嚟走去，有部份南美洲及中北美洲球員實在疲於奔命。相信連領隊自己對旗下部份球員亦未識得晒；而且言語不通，季初即要求球隊有穩定狀態唔係容易。
新兵季中會上力
馬天尼斯賽前話今季目標仍然係打入前列，來屆踢歐洲賽。照睇班波唔係太差，踏入季中會更上力，上仗慘敗老樸前，其實主場先打敗車仔，再和曼城；故莊家亦唔敢輕視之，要在今天少讓富咸。客軍為應付歐霸盃南征北討，兵源不算強輪換極都有影響，韋根要追數，喺英超停戰前上番前10啱晒時候！
冬令時間捱夜，有時真係幾難頂，撐住睇埋明天利記反底，小弟都要休息吓，本欄周六再會！
（下次見報日：周六）
文：Leung
簡介：不理盤路，不信陰謀論，最重勤力睇波，跟足軍情，吼準一擊。
今日精選
星期日43韋根(上)(1.98)
星期日60彭美拉斯(平)(2.08)x星期日70洛杉磯銀河(上)(2.03)2x1
簡評：「讓球」高水今天看高一線