好欣賞NBA爵士隊，同昨早對手馬刺一樣，小城市大球會，結果爵士止頹大勝一仗；著名評述員張丕德話佢哋贏在知恥近乎勇，兩軍喺西岸同深具實力，常規賽遙遙長路，何妨受到小挫折，今天推介正正又係維拉。
勁旅馬刺大敗而回，主要喺3秒區（paint）內俾對手予取予攜，有時陣勢對比賽勝負起關鍵作用；今天維拉對手保頓，主要殺着都係喺禁區入面食糊，老牌射手奇雲戴維斯，衝得撞得加點茅味，配合李青龍、泰馬高漢及馬菲泰萊後上攻堅，有一定入球能力。再捧維拉原因，主要上仗敗走韋斯咸有啲騎呢，首先極富經驗嘅領隊奧尼爾上半場竟排錯陣，出向來唔用嘅4-4-2冇威力；下半場變陣成功似反勝在望，卻衰在幾位守將包括最後被逐嘅比耶都轉身慢，反被對手臨危受命嘅老鼠仔沙方軒斯玩死，完場前1分鐘被攻破。
曼城要踢爭氣波
今天維拉返主場出擊，計兩軍陣勢，主隊唔會怕保頓硬橋硬馬，正選中堅古拿復出穩陣得多，中場柏杜夫停賽；希望奧帥出番佢唔鍾意、但其實踢波幾有紋路嘅李奧曲卡擔正，用番4-3-3同對手搶攻，再輸，今季相信好難再打入前列，計值博率，要捧[-1]先有肉食。
次選曼城大炒，出番晒正選迎般尼，呢場領隊曉士再唔鞭吓班大牌球星，因住累到自己份工喺之後嘅國際賽休戰期冇埋！
（下次見報日：下周日）
Leung
簡介：不理盤路，不信陰謀論，最重勤力睇波，跟足軍情，吼準一擊。
今日精選
星期六15阿士東維拉勝[-1]（2.95）
星期六15阿士東維拉勝（1.68）x星期六17曼城勝[-1]（1.8）2x1
簡評：兩前列隊係時候打身價波