上月燈神
當年升中，驚覺天外有天，頭一年幾乎考包尾，學識醜字點寫後自此發奮圖強；上月尾因外遊一早交晒貼士，擂台唔包尾至奇，但亦令我重拾當年嗰份熱血沸騰感覺，呢個月，唔會再衰啩？
呢次外遊目的地係日本，人家去日本shopping做潮人，我就陪個女去上野動物園，重駁幾程車搭成兩粒鐘，去一個叫媽媽農場嘅地方，揸吓牛奶、抱起兔仔玩吓、同羊群一齊散步、睇吓賽豬，之後唔少得陪個女探佢老友HelloKitty，仲帶佢去一個小朋友角色扮演嘅地方體驗消防員工作……。不過，喺日本始終離唔開足球，除咗喺電視睇過一個日本教頭岡田武史嘅專訪外，行程中曾好接近東京國立競技場，隨即聯想到今屆亞冠盃決賽就喺呢度踢。
伊蒂哈德對浦項制鐵，浦項近況唔錯，今屆賽事激情無限，之不過但凡大賽，呢類充滿娛樂性球隊好多時衰收尾，怕且最終都要同錦標講句：Sayonara！
藍鑽石
近5場往績：WLWLW
讓球：伊蒂哈德（平）
心得：決賽梗係捧隊守得嘅