郭富城早前偷芒，益了王秀琳（Mango）連環曝光，城城火速解畫，熊黛林近日回港，隨即飛撲城城住所慰相思。兩女昨晚分別在中環及金鐘出席活動，繼續隔空搬城城開talk，熊黛林被問到攻城及城城澄清同Mango關係，一時詐儍一時不回應，她說：「我冇諗咁多，都冇唔開心過，冇事發生過，一路都冇嘢，Aaron都回應咗，解釋得好清楚。」和城城多了信任？她說：「不嬲冇問題。」雨過天青？她開心笑說：「係，不嬲天氣都好好o架！」
Mango變酸
另一邊廂，Mango就封口，更一派置身事外的模樣，她說：「我唔講其他嘢，唔係好關我事，我唔想講其他嘢。」問她有冇上過城城住所？她說：「都話唔關我事。我唔想搞到人哋覺係隔空罵戰，係戰爭，唔係囉，唔想令人誤會。」之後不斷推說傳媒誤解她，指傳媒諗多了，問到她見城城和黛林一齊，可會酸溜溜？Mango說：「我唔開心只會因為人哋對我誤會。」更謂會祝福兩人。
採訪：羅慧敏、胡比
攝影：陳順楨、黃文成