朋友亞卓搞咗個玩具網站，我當然有捧場入去瀏覽吓。細路嘅時候唔興玩電腦，電視遊戲機又太貴，所以最常玩嘅都係砌模型。仲記得有個同學砌得好專業，用噴筆噴晒油至開始砌，但我就好求其，係咁意髹吓就算數，仲要髹到過晒界同唔均勻。嗰陣時好興《高達》，不過《超時空要塞》先至係我嘅至愛，雖則同吾中一樣都覺得馬輝、林明明同美莎段三角關係好討厭，不過入面啲機械人真係好正，尤其鍾意麥斯揸嗰架VF-1S。
周中拜仁喺歐聯輸波，九成九要打歐霸盃。以前佢哋好有霸氣，歐聯起碼入4強，但呢幾年唔知搞乜。呢場贏唔到史浩克，睇怕雲高爾都俾人叮，一於送佢一程要拜仁W。
青蛙仔
近5場往績：LWWDW
主客和：拜仁慕尼黑勝
心得：純粹博拜仁輸波後反底