李嘉欣前晚到中環出席太陽眼鏡品牌活動，她乘坐電單車進場，排場十足。對於近日有不少女藝人懷孕，嘉欣表示未有造人計劃，她更強調老爺思想開通，她從沒有要為許家添丁的壓力，況且當日結婚誓辭沒聲明她要生兒育女。
李嘉欣、莊思敏、周柏豪、鄭融和楊愛瑾等人，前晚到中環出席《EdHardyVintageTattoo》宣傳活動，現場有大班穿上三點式的模特兒行騷，而日本模特兒渡邊知夏子就擔任嘉賓。當中李嘉欣獲大會安排乘坐一架三座位電單車到場，以及送上一副刻有其名字的太陽眼鏡。
未有佩戴頭盔的嘉欣笑言擔心會被風吹到披頭散髮，她表示老公許晉亨沒有電單車牌，她說：「電單車都唔襯佢，我自己以前就有學過，不過做嘢之後就冇再學落去，同埋我睇新聞好多女仔揸電單車搞到半個身傷晒，以前就覺得好型嘅。」
許家子孫眾多
對於近日有不少女藝人懷孕，問到李嘉欣有沒有造人大計？她說：「冇特別去plan，有又開心，冇又開心，最近有3個字自己好唔慣，就係『我老公』。我老公當日喺誓辭度講過每一日都要開心生活，但冇包話有下一代，我唔覺得佢好鍾意小朋友，最緊要係生活得開心。」再問嘉欣其老爺奶奶有否催她生BB？她表示老爺奶奶已有孫兒，故此她毫無壓力，她續說：「佢哋都有孫有塞，男女孫都有，使乜等李嘉欣嫁入嚟先有呀，我冇恨或者羨慕。」
事業仍排第一
此外李嘉欣又大讚老爺為人開通、思想新潮，她透露很多時一家人食飯，但由於有工作在身要先離開，老爺都會向她說事業為重，她說：「老爺話有工作就工作排第一，冇就家庭排第一，佢思想好似後生仔，家嘅自由度係我想擁有嘅。」
採訪：王連連
攝影：陳俊強
