上月盟主
喺〈開倉版〉，小弟通常都會揀選日聯作為重心場次，但由於今周日聯比賽全部安排喺周日進行，無理由唔理周六嘅波，所以決定揀選荷甲做重心。不過，都離唔開「和風」之選，因為今次貼嘅芬洛，都有一位日本國腳壓陣。
12場聯賽開8場和
芬洛喺今季荷甲表現唔算突出，目前位列第12位，但對手想要贏佢哋亦唔易，皆因12場聯賽，竟然有8場開出和波，而所輸嘅3場聯賽對手，都是排名較前列嘅阿積士、飛燕諾同川迪；其他排名較低的球隊，對住芬洛都贏唔到，尤其是季初燕豪芬主場對住佢哋，都係踢成3:3！
芬洛嘅日本國腳本田圭佑，季初表現的確眼前一亮，好多時都係靠佢入波搶分成功，雖然近期表現較為沉寂，但球隊失球數字就有下降迹象；今仗對手維迪斯最近4連敗，而且攻擊力甚弱，4場只係喺荷蘭盃入1球，就算今場有主場之利，想贏「和波專家」芬洛唔易，仲要開到[-1]，當然捧芬洛「客勝」。
講些少題外話，芬洛見本田圭佑咁成功，已經諗住好難留住呢位日本國腳，所以已經計劃搵另一日本球員頂替，就係日乙大阪櫻花射手香川真司，會唔會成事，兩個月後就會知道。
撐飛腳踢「死鳥」
至於日聯方面，大阪飛腳之前接連對廣島三箭同橫濱水手失分，對爭標造成一定影響，但其實佢哋已經連續9場賽事不敗，走勢不算太差。周日將會主場對住唔識作客嘅京都不死鳥，贏面甚高，始終不死鳥喺日皇盃出局，聯賽亦唔愁降班，基本上踢風流波，戰意點夠飛腳勁？飛腳[-1]，捧硬「主勝」。
廣島三箭過去兩場失10球，日皇盃對日乙鳥棲砂岩都要失3球兼輸波，周日作客要搶分護級嘅大宮松鼠，大膽可期，博開40倍嘅3:3。
戰鬥員A
近5場往績：WLDWW