煲呔日前主持地質公園揭幕禮時表示，港府會同旅發局合作推廣地質旅遊，促進經濟，又喺自己個blog度話，日後除咗國際金融中心，石頭都可以係香港「賣點」。
孤獨推銷員咁有諗頭，行會召集人梁振英卻嫌有啲人銅臭味勁，喺個人網誌上嚴厲抨擊有人發錢寒。梁振英指各界一味標榜地質公園可吸引遊客，卻忘記設立地質公園目的應該係使香港多啲人文氣息。佢話保育地質公園唔係鑲金牙，亦唔係做生意，如果只顧做遊客生意，根本係本末倒置，若然咁「恨」錢，「不如開賭場。」意猶未盡，梁振英鬧多兩句，「香港分不清甚麼是文化事業？甚麼是文化產業？」