鄭伊健和蒙嘉慧（YoYo）拍拖3年，不時傳出女方逼婚的消息，近期更有指身家過億的鄭伊健採取不結婚、不分手、不錢的三不政策。蒙嘉慧前晚自信表明自己有能力賺錢，縱使男友身家過億也毋須資助，更拒做煮飯婆煲湯照顧男友，她又直認兩人從無談婚論嫁。
蒙嘉慧和馬德鐘前晚結伴在中環出席鞋袋品牌JimmyChoo活動，同場還有周麗淇、楊愛瑾、LisaS.和AnaR.等。YoYo被問及有指伊健的「三不政策」，令她激氣又無奈，她隨即回應說：「唔係每對拍拖嘅人都會諗結婚，我想專注拍劇，結唔結婚都係好私人嘅事。」
工作為享受
問YoYo究竟兩人私下有沒傾過婚事？她直認沒有，並說：「冇談論過，因為私下都好開心好穩定。」那麼不恨嫁人嗎？她說：「冇諗過，拍拖其實都好開心，畀錢就唔使，捐錢就得，我哋成日互相提要捐錢。」
YoYo指兩人財政絕對獨立，並自信十足說：「絕對係，我唔係冇能力，而且感情重於物質，唔好加諸罪名喺我身上。」有指鄭伊健其實身家過億，YoYo說：「我唔會過問，佢做咗嘢咁多年，有一定經濟能力，我一向都知佢有物業，有資產，但唔使資助我，我哋（工作）唔係為生活、為餬口，係為生活質素。」提到伊健即將開演唱會，YoYo謂會請假捧場，但不會為男友煲定湯水，她說：「除非自己有份飲啦。」
同場的周麗淇自命鞋癡，擁有超過100對高跟鞋，她謂近年發覺不少男士都去修甲，她說：「家啲男仔好姿整，會去修甲，我最怕啲男仔腳趾有腳毛，男仔腳乾淨企理就得。」不過她謂看男人先看胸肌。
採訪：梁錦雯
攝影：林德雄
