o靚模百日紅，香港書展剛過了100日，意味着o靚模也要回歸平淡日子。眼見周秀娜、JaniceMan、Angelababy排隊上岸，自己仍浮沉娛圈死海，加上嚴冬將至，工作量驟降，被遺忘的o靚模不想秋收冬藏，也得想辦法求變。Anjaylia和Evelyn轉戰校園；Lavina死命繼續剝；ECupBaby解鈕闖樂壇；Yumi戒色4年……o靚模群起抗寒冬，誓要改寫o靚模終期報告書。
採訪：馬建華、比華利
Lavina繼續剝Rainbow補會考
很難相信Y世代港女鍾蕙芝（Lavina）和胡心諾（Rainbow）懂得下廚，兩人分別在《美女廚房》色誘鄭中基及方力申極速上位，餸菜煮得再美味，也沒有人關心。兩人乘勢接job越穿越少，跌跌碰碰，又上頭條。Lavina與反o靚模聯盟Isaac的舌戰，更成為香港網絡大典的一頁輝煌歷史。
然而冬天將至，Lavina和Rainbow的曝光率也越來越低。「其實只係我起步太快，咁先畀人覺得我嘅知名度似過山車，大上大落，我家慢番未必代表我唔紅。」Lavina仍自信十足的說。
返學開支唔多
曾輟學當o靚模的Rainbow，似乎仍未警覺到前途問題，平日出糧即喪買喪使的她，無懼積蓄會乾塘的一day：「平時媽咪幫我儲錢，況且返學開支唔多。」對了，Rainbow遭外界指摘教壞少女後，急忙報讀中五夜校：「我明年一定參加會考，我會堅持完成整個中學階段。」
十年人事幾番新，o靚模出道一年便豐富了人生閱歷，由當初幾十支長鏡對準胸口左閃右避，到今日穿低胸裝做訪問也不故作忸怩。Lavina坦言起初不介意做短暫的紙上明星，但拍畢《撲克王》又忽然想留低拍戲，但堅持三點不露的原則。
機會當然要自己爭取，Lavina年底會推出肖像精品，又要剝衫再博一鋪：「我唔介意行性感，呢啲係我本錢。」
攝影：陳慧安
服裝：PettyBecky
周秀娜師妹書中自有黃金屋
人總是先入為主。當初8模以「周秀娜師妹」名義推出《GirlsLookBook》，典床典席擺出招牌o靚甫，還以為她們又是發明星夢的一群，賺了第一水便從此銷聲匿迹。直至跟陳嘉寶（Anjaylia）和蔡穎恩（Evelyn）面談，才知她們思想比一般大學生成熟、對社會更有承擔。
「家讀嘅同模特兒工作有關，可以畀我接觸到公關公司、廣告公司同傳媒工作。」現於樹仁大學修讀新聞及傳播學系的Anjaylia，早已為前途鋪定路，模特兒工作只是課餘外快。至於在IVE修讀時裝設計系的Evelyn，不時可試穿靚衫，又可留意不同剪裁設計的特色，Anjaylia說：「平時襯衫會交畀Evelyn負責，我就負責提點，正正就係發揮到我哋所讀學系嘅所長。」
過慣受電車男追捧的日子，返到校園也自然成為焦點，Evelyn表示返學會經常聽到同學以「你今日飲咗未呀？」（Evelyn曾拍益力多廣告）跟她打招呼，Anjaylia稱也試過有人引用她的廣告對白來吸引她注意，但兩人異口同聲表示只想做個平凡學生。
不會行性感
她們外表清純，內裏也單純，莫講行內衣騷，寫真集中連泳衣照也欠奉，Anjaylia解釋兩人還在發育，將來也不會接需要性感的工作。價錢吸引也不拍？Evelyn說：「着咗都冇嗰種成熟感覺，加上身材唔好，留番畀FashionModel着會靚好多。」
攝影：仇志德、黃文成
場地：TerminiTeaYard
化妝：Mancy 髮型：Zap
Yumi戒色4年避桃花
一輯噴血寫真集，尹蓁晞（Yumi）由寂寂無聞的MKo靚妹，變成萬人談論的o靚模，照理Yumi應該珍惜這得來不易的機遇，只可惜一次被拍得與不同男子約會，甚至出入時鐘酒店斷正，任由她巧言狡辯，也難以跟「援交」斷絕關係。未入寒冬，Yumi便要領教雪櫃的冰凍：「回想番嗰一刻，我驚o架，我驚從此喺呢行消失。」
禍闖大了，Yumi嚇得要承諾「戒色」4年，她說：「公司冇話唔畀我拍拖，但我之前同麥玲玲傾過偈，佢話我未來4年遇到嘅都係假桃花，拍拖都唔會有結果。與其係咁，不如趁呢幾年自律戒男。」
兩個月沒工開，又有傳她自殺，Yumi猶幸當年做龍模有積蓄，才不致食榖種。縱使o靚模熱已過，她居然還有4部片約在手，殺雞還神都嚟唔切：「好開心有咁多機會，我會好珍惜，仲有兩月先到2010，呢段時間會接吓登台表演，順便利用空閒充實自己，出年就會忙拍戲。」曾揚言性感無底線的Yumi，可會在大銀幕上晒料？她說：「我嘅性感尺度好睇劇情需要，所有接演嘅角色都會由公司幫我安排，始終我係電影新人，佢哋會盡量畀我試演唔同角色，就算要扮醜女，我絕不介意。」攝影：黃偉雄
ECupBaby咪咪升呢轟樂壇
去年動漫節平地「兩」聲雷的劉欣宜，憑驕人雙峯屹立o靚模界，ECup一出，誰乳爭鋒？不過ECupBaby年初糊裏糊塗發出封胸令，隨即被Lavina、Rainbow之流迎頭趕上，加上o靚模熱書展過後已冷卻，工作量更買少見少。
人到山窮水盡，忘記甚麼封胸論吧。ECupBaby咪咪回歸，下一步便是投靠輝皇娛樂做「Sing模」，更以G奶蔡依林為目標：「我轉形做歌手唔代表我唔性感，只係唔再肉感，行高貴性感。」晚上到夜場賣唱搵銀，日間到電台貼錢宣傳，甚至在大學生面前談情說性，保住知名度要緊。雖然唱片業不景，ECupBaby預告明年推出EP碟。「家開始，我會好好保護把聲，唔想有日俾人封我做劉走音。」攝影：陳順禎
Melody賣肉賺零用錢
「有個男仔好快衝過嚟，摸咗我patpat一下。」o靚模陳若嵐（Melody）聲稱在動漫節被癡漢非禮，翌日登上A1頭條，一夜成名。Melody從未想過以這形式見報：「有邊個女仔恨用呢啲新聞上位呢？我從來唔恨呢啲事情發生喺自己身上。」
色狼捉不到，自己又開始被人遺忘，Melody承認曾對前路感到迷惘：「我諗住用一年時間探索，睇吓應該專攻電影定唱歌。其實我好貪心，瓣瓣都想試，又想挑戰舞台劇，因為除咗考演技，又會練習自信同膽識，觀眾反應會最直接。」與其說是瓣瓣想試，不如說是擔心冇工開，Melody笑言袒胸露乳也不拘：「以前做龍友模特兒，都有唔錯收入，家未必個個月有咁多，但我相信轉做藝人要有過渡期，我暫時私己錢仲捱到。」
搏命搵錢背後，原來有坎坷童年。Melody自幼父親走佬，母親改嫁誕下弟妹，再遭繼父拋棄，她14歲便要做兼職模特兒減輕家庭負擔：「當年入行，只係搵啲零用，減輕媽咪負擔。」吸取母親教訓，Melody寧信自己也不靠男人，更從不放棄任何機會。勝敗得失，也許在這一個寒冬，Melody會找到答案。
攝影：陳俊強
