周星馳契女徐嬌最近成為電影搶手貨，佢除咗參演電影《花木蘭》（圖）外，稍後又會演出由詠春大師葉問徒孫冼國林監製嘅新片《葉問前傳》，少年葉問由監製愛徒杜宇航扮演，徐嬌則扮演葉問女友嘅童年，劇情指葉問同女友相識於童年，二人係師兄妹，所以徐嬌要練詠春，徐嬌今日會代表《葉問前傳》嘅劇組，參加喺尖沙嘴舉行嘅千人詠春。