賭博式出擊，在你我身邊時有所聞。樓價飛漲，好多人仲夠膽將一半薪金進貢地產商月供幾百呎磚頭；股神79歲高齡，攞咗旗下巴郡超過2,000億港元重押美國鐵路股。我認為最大膽係一位據稱喺馬會做兼職廚師，搵千零蚊個月，喺一次投注230蚊連贏過關，中咗10幾萬，自己去投注站收錢，結果見財化水，份工都無埋。
股神老邁都唔願等死，證明做人幾時都應該主動出擊；今天英超重頭大戰，車仔季初「弗」爆，曼聯傷兵多被看扁，今場超級大戰獲受讓；若然紅魔用對利記嘅踢法，又會凶多吉少，希望費Sir也有股神嘅冒險精神，變陣同對手搶攻中場，下盤應穩開，大膽捧W何妨？
蘋果波神
近5場往績：WLLLW
讓球：曼聯（下）
心得：big4對戰，下盤唔係冒險之選