熊黛林（Lynn）和Angelababy最近齊為賀歲片首演古裝。Baby和Lynn分別飾演花田國真假公主，日前二人試造型時均對自己的古裝扮相讚不絕口，Baby並要求電影公司在拍完戲後將自己穿過的古裝鞋送給她配襯衣服。
由黃百鳴新成立的天馬電影炮製的賀歲片《花田囍事2010》，演員陣容除有古天樂、吳君如、鄭中基、李香琴、夏春秋和黃百鳴外，還加入熊黛林和Angelababy（楊穎）兩位靚女模。該片將於本月底在杭州及橫店開拍，由於今次是Lynn和Angelababy首次拍攝古裝，是以二人扮相造型份外受注目。
真假公主調包
今次《花》片服裝及造型設計全由余家安包辦，每個演員至少有10個造型，其中以Lynn和Baby的公主造型最為講究，二人日前單是試造型已花了6小時。Baby在片中飾演花田國的遺珠公主，Lynn則演富家女黃鶯，豈料失憶後被誤以為是花田國公主，因而鬧出連篇笑話。
對於片中公主造型，Lynn和Baby均讚不絕口，Lynn說：「第一次拍古裝，最開心就係見到啲戲服，因為啲衫好靚，尤其喜愛公主造型，冷艷之餘充滿貴氣，俾人一種好高貴嘅感覺。」
大讚造型跳脫
至於一身番幫公主look出現的Baby則說：「個公主造型都切合番我年紀，可愛得嚟不失跳脫，但我最鍾意嘅反而係啲鞋，因為每一對都好靚好特別，唔只啱襯古裝，就連着casualwear都好型，老闆黃百鳴已經應承我，等拍完戲之後將所有鞋送晒畀我。」
撰文：林妃
