劉美君當年一首《午夜情》唱到街知巷聞，去年首次拍電影《我不賣身．我賣子宮》，又輕易膺金馬影后，事業得意，愛情路卻迂迴曲折，經歷過兩段婚姻的她學會勉強無幸褔，識認衰才是最強。
劉美君憑《午夜情》一曲創紀錄，首張唱片賣到40萬張，她也自覺幸運，自信任何事難不倒她，她日前說：「由細到大，好多嘢我都贏，家仲未有人破到新人賣咁多張唱片嘅紀錄，真係好幸運。後尾有人話因為我嘅背景，所以好多人錫我（因當年丈夫黃泰來是導演），根本唔關事，後尾我去外國住，冇人知我係邊個啦，但仍然好多人錫，完全唔關我有乜嘢特別原因。」
滑雪撞傷覺悟
事業樣樣掂，但劉美君在愛情方面，經歷兩段婚姻，育有三子女，她不矯揉造作，直話直說：「結婚領悟到啲嘢，以前會退而求其次，就係唔識得放手，但家唔會，唔會為難自己。我做任何嘢都好瀟灑，除咗感情。」
自信未必是好事，劉美君從一次滑雪才領悟到這個道理，她在新碟中的歌曲《雪泥》，便是她的經歷：「我好tough，強者點會認衰吖？當我仲係滑雪初級，有次喺融緊雪時，自己去咗大斜坡滑雪，嗰度係畀好叻嘅人玩。我諗住實掂嘅，點知撞落嚿石，成個人撻喺度。當時又冇人救到我，拉傷晒筋，嗰次之後就識認衰，識認衰先係最強。」
但別以為劉美君從此軟化，主持無綫節目《超級巨聲》被批評，但沒令她退縮，她說：「我冇諗過打退堂鼓唔做喎，冇人生出嚟就識行路。因為以前唱歌，好少有人聽我講嘢，唔知我係乜嘢風格，畀啲時間等大家習慣我嘅幽默。」
採訪：王連連
攝影：黃文成
化妝：KrisWong
髮型：GarySunofLeSalon
場地：香港君悅酒店咖啡廳