上市過程一波三折的恒大地產（3333），昨首日掛牌，完場前半小時股價挾高，由3.90元掃上，收市報4.70元，較招股價高出34%。唔少散戶都沽早咗，所以話，炒新股邊有路捉。
好多散戶都關心市場資金動向，金管局持續注資，銀行體系結餘下周一增至2561億元。香港「水浸」，但港股成交卻唔見有突破，呢輪多數徘徊於600億元左右，究竟咁大筆錢玩緊乜？呢筆錢日後若撤出，可能成為質低大市藉口。
汽車股仍有餘勁，不如考慮跟進重慶機電(2722)，該股業務包括商用車零部件及其他各類機械設備，均屬受惠中央振興經濟的復蘇行業。
集團今年截至8月份，總定單已達51億元人民幣，接近全年目標80%。管理層曾透露母公司有意注入資產，集團兼具西部開發概念，值得憧憬，屬中長線投資之選，股價昨跌1.3%，收1.44元，現價可買入，首站目標2元。
方星俠