花旗唔加息，會後聲明仲話低息會維持一段長時間，道指升過150幾點，不過高位有回吐，最後只升30點收市。
花旗股市升後急回，搞到前日反彈374點嘅港股，噚日又大幅低開，恒指收市跌幅收窄至135點，但10日線跌穿20日線，好淡已到決戰前夕。
東風C輪18963：東風（489）噚日收10.46元，跌0.5%，股價升過上11.20元，午市壓價收貨迹象明顯。中央政策有利東風，加上大行出報告撐場，應該未升完，可以買啲C輪18963。
隻輪現價23.8仙，2010年3月24日到期，行使價10元，溢價18.3%，引伸波幅85.3%，有效槓桿2.8倍，正股升上13元，18963可見41.9仙，如果正股跌穿9.60元，就沽咗隻輪止蝕。
俊樺