傅穎（Theresa）早前被金牌大風聯同其模特兒公司入稟控告違約，對於有指Theresa身價只值30萬，金牌一姐、其死敵鄧麗欣（Stephy）昨日出席活動時，雖然被多番追問Theresa違約一事，但她仍死命封口。
鄧麗欣昨日以數碼大使身份在荃灣出席「新界數碼生活嘉年華」開幕禮，她接受訪問時，被追問其公司金牌大風聯同創星藝人公司一齊入稟區域法院，控告Theresa違反合約一事。Stephy即以自己是局外人為由拒絕評論，她說：「唔想講太多，淨係想快啲解決。」
「搵幾多都唔知」
對於有消息指其實Theresa只要賠償20萬至30萬便能了事，言下之意即表示Theresa身價只值30萬左右，同樣身為前Cookies成員的Stephy，即表現得頗為尷尬，她說：「雖然大家都係Cookies，但係自己當時搵幾多都唔知，何況人哋。近幾年大家都係分開工作，更加唔知啦。」問到Theresa身價是否只值此數時，Stephy顯得避忌說：「唔，睇情況啦，止唔止唔方便講。」
另外，Stephy近年努力學習使用電腦，她說：「早幾年自己部電腦硬碟死咗都唔知點搞。」她笑言不擔心因為維修電腦而讓儲存的資料外洩，她說：「舊男朋友嘅相最多得一張，因為其他啲撕爛晒。」
採訪：馬建華
攝影：黃文成