呢幾日突然轉冷，即刻心思思約班friend出來烚吓烚吓，不過間間火鍋店都話幾十蚊有得任食，肥牛、鮮蝦當然唔少得，不過好多連湯底都要額外收費，真係唔計過都唔知邊度最抵食﹗
記者︰黃家欣
攝影︰王文忠
模特兒︰Sansu@PureModels
$58任食火鍋，試味報告！
$15腳撐撐海中蝦
位處觀塘工業區的燊哥火鍋，全場設多個卡座，最適合情侶二人密密烚。每晚九時後入座每人入場費$58，任食的包括各式丸類，如墨魚丸、豬肉丸、牛筋丸、龍蝦丸，特別推介咬落軟綿綿的海膽丸和師傅每日手打的鯪魚滑，另外還有鮮鯇魚腩、花枝片、雞柳、粉腸等任叫任食。湯底方面，有4款免費選擇︰芫荽皮蛋、鴛鴦、沙嗲及港式清湯。而由主廚燊哥搜羅秘方、落足料炮製的正宗四川麻辣鍋，則要另加$28。
牛魔王想食肥牛就要另外order，推介來自美國的A級肥牛，雪花分佈均勻，入口柔軟，牛味濃郁，特價收$48夠兩位用，勁抵食！兩個人食，還可以優惠價$15換海鮮拼盤，每碟有四款海鮮，種類不時更換，有生猛到腳撐撐的海中蝦、三點蟹及扇貝等，每晚限量供應，要先預訂。基本火鍋$58，憑《蘋果》讀者印花，還有四送一優惠，平均每位$44！
A級美國肥牛加$48（兩位用）
雪花分佈平均，入口油份充足，肉質滑中帶嚼勁，肉味濃。
海膽丸
特色海膽丸，面層彈牙墨魚肉，中間包着軟綿綿的海膽，入口帶甜味。
手打鯪魚滑
手打鯪魚滑彈牙有嚼勁，啖啖魚肉鮮味。
牛骨髓
新鮮牛骨髓、雞子、粉腸、鵝腸全部任點任食，夠晒滋味。
海鮮拼盤加$15（兩位用）
海中蝦放上枱腳還在動，肉質爽滑。三點蟹夠厚肉，肉質爽嫩，很鮮甜。
蘋果讀者4送1
即日至09年12月31日逢星期日至四讀者憑此印花（影印本及網上列印本無效）到燊哥火鍋惠顧，每4位即有1位免費；星期五、六惠顧，可獲人頭費（$58）八八折優惠，茶芥加一以原價計算。此優惠燊哥火鍋保留最終決定權，如有任何爭議，《蘋果日報》概不負責。
‧必須憑報紙上的印花才可以享有優惠。
燊哥火鍋專門店（34262373）
觀塘成業街15-17號成運工業大廈地下
網民熱捧90款料韓式鍋
德興火鍋最為網民熱捧，抵食之餘食物有質素，位置又闊落，啱一大班朋友齊齊烚。旺角分店九時半後入座每位$55，不過湯底、豉油都要另計。免費火鍋料多達90款，蔬菜、菇菌類最齊，肉類包括肥牛、羊片、鴕鳥肉、牛眼筋等，但海鮮類只有鯇魚腩、魚片、鱔片等。蝦、螺片等則要另加收費，每隻$28的沙巴中蝦夠大隻，肉質彈滑，鮮味極濃，值得推介。湯底選擇亦有十幾款，推介試吓新出的韓式泡菜鍋，甜中帶酸辣，熱辣辣，秋冬最啱滾。
韓式泡菜海鮮鍋
湯底用鮮蝦、青口、魷魚等熬製，除了蔬菜如翠玉瓜等，還加入韓式泡菜，味道酸辣，帶海鮮甜味。
沙巴中虎蝦加$56（兩隻）
中虎蝦入口啖啖肉，爽甜鮮嫩。
清湯坑腩鍋
湯底選擇多，清湯坑腩鍋味道夠濃，富有油香。
德興火鍋海鮮酒家（27800182）
旺角彌敦道601號創興廣場4字樓
