鄭融在新片《關人7事》要與陳楚喬拍接吻戲，顯得有點難受，她日前接受訪問說：「導演（彭發）想個感覺真實，唔想好似做戲咁，希望我哋可以做到一對情侶喺屋企會做嘅正常嘢，挨手挨腳呢類好自然，我唔會抗拒。不過拍接吻戲，之前確實係擔心唔知會點樣，我係好尷尬，咪當飲苦茶囉，快啲飲完，唔好諗咁多。飲完苦茶嗰種感覺好苦好想嘔，做咗就算，過程總係要自己去衝破，都係幾十秒啫。」
陳楚喬受落
相反陳楚喬的感覺就比鄭融輕鬆多，她說：「好彩場戲係交代鄭融做主動，佢好犀利呀，因為中間唔可以窒住，所以節奏好明快。我覺得同女仔拍kiss戲好啲，冇咁尷尬，叫我同男仔拍咪仲尷尬？」
採訪：魯萍 攝影：黃偉雄