投資者等候花旗聯儲局議息結果同會後聲明，前晚美股窄幅上落，道指最後跌17點，不過仍未見真章，議息之後，花旗股市走勢會較明朗。
A股繼續靠穩，升幅雖然唔算大，但係近幾日嘅走勢加埋，技術已經轉好。近日偏軟嘅內銀股乘機造好，如果成交多番，仲可以踢高啲。
A50C輪17207：A50中國（2823）昨收15元，升1%。股價喺禮拜一升上10日線之後橫行咗兩日，炒上去會試16.50元，可以諗吓隻C輪17207。
隻輪現價24.8仙，2010年3月24日到期，行使價13元，溢價3.2%，引伸波幅34.9%，有效槓桿4.7倍，正股升上16.50元，17207有機升5成，見37.4仙，如果正股跌穿14.30元，就沽咗隻輪止蝕。
俊樺