狄波拉前晚現身眼鏡店活動，對於媳婦栢芝再度有喜，她表示男孫女孫都沒所謂，又指栢芝太愛BB，會生完再生。拉姑更大讚栢芝現在陀B嘔到七彩，不過仍堅持接Lucus返學放學。
狄波拉、鍾楚紅和楊小娟前晚現身尖沙嘴1881，出席溥儀眼鏡店開幕活動，快將三年抱兩孫的拉姑心情大好，帶同夫婿鬍鬚Kong及女兒謝婷婷「一家三口」到場。問拉姑有否煲湯給栢芝補身，她說：「唔使，佢有經驗，不過佢平時少食肉，家要吸收多啲營養。」
「佢哋都會再生」
問到栢芝腹中是否孖胎，拉姑說：「冇正式問，好似唔係，生仔或生女，佢哋都會再生，都一樣開心。新抱仔太鍾意BB，我諗佢哋唔夠。」會否幫栢芝湊B？她笑說：「佢湊BB好辛苦，不過媽咪始終鍾意湊BB，留啲空間畀佢。佢家嘔得好厲害，嘔得好辛苦，平時都唔出街，淨係堅持湊Lucus返學放學。」婷婷則避忌地說：「你哋問番佢哋，我都係見報紙先知，可能係中國傳統未過100日唔講得。」問婷婷會否計劃生BB，她說：「工作同做嘢都重要，我哋會搏命搵錢，將來會幸運啲。」問到她會否羨慕阿嫂做少奶奶，她說：「自己做嘢都唔係好耐，都好鍾意自己份工作。」
阿呂獲老婆大讚
此外，楊小娟為傳聞指老公呂良偉億萬身家解釋說：「阿呂係靠自己努力，我只係純粹畀投資同管理意見，佢自己有partner，係一間美國公司，唔好講到阿呂係靠我。」問到阿呂會因此不開心，她說：「佢一向好有性格，有自信，佢個人經歷咁多，好豁達。」
採訪：羅慧敏
攝影：林德雄