「新末日博士」兼紐約大學教授魯賓尼（NourielRoubini）有新搞作，決定搞大自己一手創立嘅調查及顧問公司「魯賓尼環球經濟」（RGE），將原本得3個人嘅「市場調查及策略小組」擴充至20人，專門教投資者買股票、債券、定息產品、商品同外滙。
身為RGE市場調查及策略小組主管嘅ArnabDas話，佢哋可以就各類資產提供投資建議，亦可以對重要嘅行業做分析，例如銀行業同埋公共事業。Das豪情壯語咁話，佢哋希望掌握制訂政策人士嘅諗法，做到能人所不能。
華華覺得，佢老細魯賓尼曾經係美國前總統克林頓嘅白宮經濟委員會顧問，家就係美國財爺蓋特納嘅高級顧問，以咁嘅人脈關係，「揣測」高官諗法應該唔難！