前視帝陳豪跟今年大熱視帝黎耀祥昨日在《TVB周刊》頒獎禮碰頭，今年仍然有機會憑《宮心計》再勝的陳豪，力撐對手黎耀祥會做視帝，更甘心輸給偶像柴九，而黎耀祥則希望封帝後可乘機加價。
雜誌《TVB周刊》昨日在尖沙嘴美麗華酒店舉行2009最強人氣品牌頒獎禮，席上頒發2009最強人氣廣告天皇及2009最強人氣廣告天后予陳豪及蔡卓妍（阿Sa），黎耀祥則獲頒2009最強人氣急升廣告王。
恐會大熱倒灶
陳豪和黎耀祥頒獎禮前碰面，現場有傾有講，相處融洽，陳豪表示面對黎耀祥不會有壓迫感，他說：「祥仔喺呢行太耐，一直都係好戲之人，我一直當佢係偶像，所以我唔覺得佢係競爭對手，反而想再有機會同佢合作，佢係一個好對手，柴九係有實力有人氣有人心，唔使我讓獎，只有柴九叫人讓路，輸畀佢我都心服口服。」
大熱的黎耀祥如今心情輕鬆，不過他最希望如果真的成為視帝，拍廣告可以再加價，他說：「我都希望可以再加，承大家貴言。但係大熱係會倒灶，世事好難講，未到最後一秒唔知結果，不過一直以來對獎唔係睇得好重，我覺得觀眾同老闆最重要，家觀眾同老闆都滿意，已經好開心。」至於四奶奶鄧萃雯是全城熱捧的視后，祥仔也希望有個完美結局，可以跟四奶奶一齊得獎。
Twins成員分道揚鑣之後，蔡卓妍仍然廣告不絕，她說：「好開心，今年有啲廣告商係第一年合作，同埋代言商品開始走向成熟，有護膚品同化妝品。」
阿Sa獨食酬勞
廣告增加，一個人又不用分攤酬勞給拍檔，阿Sa收入是否大增，她說：「其實差唔多，以前兩個人叫價高啲，收入差唔多，不過唔好講幾多，一陣稅局麻煩我。」被問到陳冠希推出新廣告，她表示不關她的事。
採訪：楊潔雯
攝影：陳俊強、陳志嵐