陶喆昨日被本報獨家踢爆上周在港速食美少女廚神岑潔儀（Zoey），兩人在酒店內又攬又啜又拖手。其實陶喆身邊女伴一直如車輪轉，未知Zoey是否有感而發，日前她在facebook留言說：「我心痛……因為我都知道。」又說：「人是否那麼犯賤？不壞不愛？……最終傷心的都是自己。」
Zoey昨在電話中為兩人錫嘴拖手解畫說：「係我坐低之後打招呼嘅kiss。佢係有拖我，因為我着高踭鞋，佢扶我啫。」會否覺得陶喆有追求之意？她說：「唔知，不如你問吓佢。我諗佢唔會追我，佢係大哥哥，我好欣賞佢，佢係好吸引嘅。」Zoey又謂早前赴台曾相約陶喆見面。對於陶喆被指花心，她說：「佢對個個女仔都好好，易令人誤會啩。」
此外，Zoey昨日返將軍澳電視廣播城接受無綫節目訪問，表現風騷明顯有備而來，她表示被踢爆後曾跟陶喆聯絡。
採訪：丁寧