強勢球隊主攻打4-3-3，重防守者打4-4-2，甚至4-5-1，今天捧維拉利記串射鋼膽阿仙奴，望以「快」復川崎前鋒嘅失地。
印象中，阿仙奴今季高調轉打4-3-3外，昨天日皇盃重心推介嘅川崎前鋒，下半季長期重用連拿天奴後，拍射手祖尼奴同鄭大世，一樣打4-3-3踢到雄踞日聯榜首。佢哋昨仗對FC東京，甫開賽虎虎有威，連球彩台主持也大喊對辦，話走地要買佢哋冠軍；可惜祖尼奴門前失機後，即被對手冷箭偷襲得手，終告意外吞夠兩蛋，再失一錦標。
我想指出踢4-3-3陣式，箭頭要夠技術全面外，中場攔截者一人亦極為重要。前鋒近年每到關鍵多失，可能源於中村憲剛欠有份量工兵配合；而滿場飛嘅祖尼奴喜上腳扭幾個，牽動成條攻擊線群起進攻，踢得順，同阿仙奴一樣入球不絕，相反易輸反擊。希望佢哋認真檢討，以免到日聯錦標再臨尾香。
阿仙奴可炒荷軍
近日英國傳媒將視線針對紅軍，我認為就算今仗對里昂排殘陣，只要踢回對曼聯嘅演繹方法，用4-5-1踢中場壓迫戰術然後由費托快攻突擊，有權再爆，受讓我取冷W；串維拉作客贏韋斯咸，維拉最勁兩翼，食正韋斯咸個廢閘法拔。最穩陣當然係此刻最能發揮4-3-3嘅阿仙奴，勢全攻炒阿爾克馬爾，提早出線，以免月尾對車仔前，有後顧之憂。
（下次見報日：周六）
文：Leung
簡介：不理盤路，不信陰謀論，最重勤力睇波，跟足軍情，吼準一擊。
今日精選
星期三5利物浦勝（2.85）x星期三9阿仙奴勝[-1]（1.52）2x1
星期三9阿仙奴大（1.45）x星期三11阿士東維拉（平）（1.85）2x1
簡評：阿仙奴超穩超熱，只宜做膽