港股前日喺50日線反彈，出現單日轉向走勢，前晚花旗股市造好，但恒指噚日都係要跌，貼住條50日線收市，喺有新消息之前，好淡拉鋸嘅情況應該唔會有大變。
花旗嗰邊呢兩日議息，有結果前美股走勢或者會悶啲，不妨多留意A股嘅表現，對港股後市會有較多啟示。
信行C輪18994：中信銀行（998）昨收5.95元，逆市升0.5%，升幅雖然唔算大，但維持向好嘅走勢，向上有機見6.60元，可以諗吓隻C輪18994。
隻輪現價48仙，2010年3月30日到期，行使價6.29元，溢價13.7%；引伸波幅40.5%，有效槓桿5.8倍，正股升上6.60元，18994有機會見83.6仙，如果正股跌穿5.65元，就沽咗隻輪止蝕。
俊樺