利豐（494）大股東馮國經家族嘅第4間上市公司利邦控股（891）噚日掛牌，股價表現好就當然不在話下，難得嘅係馮家上上下下，差唔多都嚟晒上市儀式，馮國經同馮國綸兩兄弟當然有到，連大馮生嘅第二代亦粉墨登場，就係佢嘅千金、利邦執行董事馮詠儀，再加上佢嘅夫婿、喺花旗做PrivateBanker嘅林詩棋。
馮國經致辭後即閃
作為利邦主席嘅大馮生始終都係大忙人，致完辭後就即刻閃，冇睇到第一口價表現，喺新上市公司中都算少見。
利邦噚日首日股價表現果然冇令大家失望，最多差唔多升逾倍，都算飲得杯落，美中不足嘅係冇一張馮家大合照，唔知下次分拆玩具反斗城嘅時候，會唔會影得到呢？