花旗股市上禮拜五大跌，港股噚日只係跌132點收市，算係執番身彩，亦反映港股市底偏強，同埋50日線嘅支持力唔錯。現貨收市後期指插落，大低水235點，但係恒指出現單日轉向走勢，後市應該唔會差得去邊。
上禮拜五中國人壽（2628）喺20日線水平反彈，噚日再試20日線支持後炒高，值得留意。
國壽C輪17922：國壽昨收37.10元，升1.5%，短線有機升破39元，向41元推進，可以諗吓隻C輪17922。
隻輪現價16.2仙，2010年3月8日到期，行使價42.88元，溢價19.9%，引伸波幅40.9%，有效槓桿7.2倍，正股升上41元，17922有機升上31.6仙，超過9成升幅，如果正股跌穿35.50元，就沽咗隻輪止蝕。
俊樺