要成為王者，唔介意俾人話目空一切，亦唔怕長期承受巨大壓力；最怕冇料得把口，又鍾意挑釁對手，無大將之風！今天超早場力捧日聯一哥、財神球隊川崎前鋒，先在日聯盃決賽擒下FC東京，向三料冠軍進發。
一向要求自己勤力睇波，由季初起緊跟賽事脈搏，方有把握押重注出擊；否則齋吹盤路，相信本欄捱不到季尾。早在個多月前喺度分別講過，國米霸氣早現、發現曼城弱點；幸去到今天，仍未跌眼鏡。
國米隊波早上軌道，積分拋開，摩帥更有「吉士」，唔怕輪換制，玩嘢上半場收起伊度奧，又有蒙達利早段傷出，你驚佢唔驚，作客照贏利禾奴兩粒；相反曼城，正處下降軌，早指該隊中場聯繫不足，巴利級數非「雙特」可比，唔使輸畀伯明翰執身彩，但貴為億萬大軍主帥，曉士卻當鋼門基雲神咁拜，曼城幾時變咗紐記呀？佢老哥，知唔知自己教緊隊咩波？最好笑哈利列納，熱刺十幾年未贏過阿仙奴，賽前牙擦擦話班波同阿仙奴差唔多，又話對手冇冠軍相，結果？
保守可買前鋒「冠軍」
要牙擦擦，先交出成績，前鋒經營多年，今季終現鋒芒，今天少讓FC東京，唔敢話贏硬，但少讓值博率極高；穩陣者，買冠軍賠率，但得番1.65倍。
（下次見報日：周三）
文：Leung
簡介：不理盤路，不信陰謀論，最重勤力睇波，跟足軍情，吼準一擊。
今日精選
星期二1川崎前鋒（上）（1.95）
星期二2拜仁慕尼黑勝（1.65）x星期二10昆士柏流浪勝（1.78）2x1
簡評：一早一晚心水供波友，我自己會加條3串1